(ព្រៃវែង)៖ បងប្អូនប្រជាពលរដ្ឋដែលមកទស្សនានៅទីនោះ បានថតផុសផ្សព្វផ្សាយតាមបណ្តាញសង្គមហ្វេសប៊ុក ពីមួយទៅមួយ ទើបធ្វើឱ្យមានការចាប់អារម្មណ៍ពីបងប្អូនប្រជាពលរដ្ឋគ្រប់ទិសទី ជំរុញឲ្យពួកគាត់អញ្ជើញមកទស្សនានៅតំបន់អភិរក្សបឹងស្នេហ៍ទួលព័ន្ធតាឡី ក្នុងឃុំធាយ ស្រុកបាភ្នំ ខេត្តព្រៃវែង ដែលមានចម្ងាយពីទីរួមខេត្តជាង ២០គីឡូ។ មានទំហំដីជាង ៨២ហិកតា ហើយមានសត្វជាច្រើនប្រភេទ ដែលកំពុងតែបង្ហាញខ្លួន ដល់បងប្អូនប្រជាពលរដ្ឋដែលគាត់អញ្ជើញមកទស្សនាយ៉ាងច្រើន ដែលមើលទៅច្រាលភ្នែកតែម្តង ភ្ញៀវទេសចរណ៍ដែលអញ្ជើញមកនោះ ពួកគាត់មិននឹកស្មានថា នៅក្នុងតំបន់នេះមានសត្វច្រើនយ៉ាងដូច្នេះនោះទេ។ លោក ប៉ាន់ យន ប្រធានសហគមន៍នៅតំបន់បឹងស្នេហ៍ តំបន់អភិរក្សបឹងស្នេហ៍ទួលពាន់តាឡីនេះ បាននិងកំពុងបង្ហាញខ្លួនដល់ភ្ញៀវទេសចរជាតិ ដែលគាត់អញ្ជើញមកទស្សនា ហើយក៏ជាផ្នែកមួយក្នុងការផ្ដល់នៅសេដ្ឋកិច្ចដល់ប្រជាពលរដ្ឋដែលគាត់ស្ថិតនៅក្នុងតំបន់នោះ ក្នុងការប្រកបមុខរបររកស៊ីលក់ដូរមុខទំនិញផ្សេងៗ សម្រាប់តម្រូវបម្រើតម្រូវការ របស់ភ្ញៀវទេសចរជាតិ ដែលអញ្ជើញមកទស្សនានៅតំបន់បឹងស្នេហ៍ទួលពាន់តាឡីនេះ ជាការកាត់បន្ថយភាពក្រីក្រមួយចំណែករបស់បងប្អូនប្រជាពលរដ្ឋនោះផងដែរ។ បងប្អូនប្រជាពលរដ្ឋដែលគាត់អញ្ជើញមកទស្សនានៅតំបន់អភិរក្សបឹងស្នេហ៍ បានសម្ដែងនូវទឹកចិត្តសប្បាយរីករាយ ហើយការស្មុគស្មាញផ្លូវចិត្តត្រូវបានហើរទៅតាមវោយោ ក្រោយបានគយគន់សត្វជាច្រើន កំពុងតែមកពពាក់ពពូនរស់នៅលើដីទួលនេះ។ លោក ប៉ាន់ យន ក៏បានលើកឡើងដែរថា ជារៀងរាល់ថ្ងៃសុក្រ សៅរ៍ អាទិត្យ គឺសម្បូរភ្ញៀវមកទស្សនាច្រើនមែនទែនដោយពេលខ្លះស្ទើរតែរកកន្លែងចតរថយន្តមិនបាន ខ្វះទូកសំរាប់ដឹកភ្ញៀវទៅ ទស្សនានោះទៀតផង។ នៅក្នុងនោះដែរ លោកក៏សូមសំណូមពរដល់បងប្អូនភ្ញៀវទេសចរណ៍ ដែលគាត់អញ្ជើញមកទស្សនានៅទួលពាន់តាឡី ដែលជាតំបន់អភិរក្សសត្វស្លាបនេះ ជួយអភិរក្សទាំងអស់គ្នា ដោយមិនត្រូវបង្កសំឡេងរំខានដល់សត្វ និងមិនត្រូវបរបាញ់សត្វសម្លាប់សត្វនៅនោះទេ។ តំបន់ទួលពាន់តាឡីនេះ កាលពីមុន មិនសូវសម្បូរសត្វប៉ុន្មាននោះទេ គ្រាន់តែវាចេញចូលតែមិននៅជាប់ទេ ទើបតែរយៈពេលប៉ុន្មានឆ្នាំចុងក្រោយនេះ គឺថាសត្វបាននាំគ្នាមកនៅតំបន់នេះយ៉ាងច្រើន ដែលធ្វើឲ្យជាទស្សនីយភាពមួយដ៏ទាក់ទាញសំរាប់ភ្ញៀវជាតិ ដែលគាត់អញ្ជើញមកទស្សនានៅក្នុងតំបន់នោះ៕
You might like
ប្រធានាធិបតីកូរ៉េខាងត្បូង លោក Yoon Suk Yeol បានព្រមាននៅថ្ងៃពុធនេះថា កូរ៉េខាងជើងអាចបង្កហេតុ ដូចជាធ្វើសកម្មភាពប្រដាប់អាវុធនៅក្បែរព្រំដែនរួម បាញ់យន្តហោះដ្រូន ការវាយប្រហារតាមអ៉ីនធឺណិត
Jan 31, 2024
29 views
សេក្តីជូនដំណឹង! អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន ចេញសេចក្តីជូនដំណឹង ស្តីពីការបើកទទួលចុះឈ្មោះស្នើសុំបណ្ណសារព័ត៌មានសម្រាប់ឆ្នាំ២០២៤ តាមប្រព័ន្ធអនឡាញ ចេញផ្សាយថ្ងៃទី ២៤ ខែ មករា ឆ្នាំ ២០២៤
Jan 30, 2024
38 views
ប្រសាសន៍ណែនាំរបស់សម្តេចធិបតី ហ៊ុន ម៉ាណែត កាលពីថ្ងៃទី២១កន្លងទៅឲ្យក្រសួងធម្មការ និងសាសនា ពិនិត្យមើលសកម្មភាពគ្រូចូលរូបមួយចំនួន គឺមិនបានសំដៅទៅលើព្រះអង្គចន្ទមុនីនោះឡើយ
Dec 24, 2023
40 views
សម្តេចតេជោ ហ៊ុន សែន អនុញ្ញាតឲ្យឯកឧត្តម Dato Ahmad Azam Bin Abrahman បេសកជនពិសេសនាយករដ្ឋមន្ត្រីម៉ាឡេស៊ី ចូលជួបសំដែងការគួរសម
Dec 24, 2023
42 views