ខ្យល់ខ្លាំង ធ្វើឱ្យផ្ទះប្រជាពលរដ្ឋជាង១ពាន់ខ្នង នៅស្រុកព្រៃនប់ រងការខូចខាត

(ព្រះសីហនុ)៖ ផ្ទះពលរដ្ឋជាង១២៦០ខ្នង នៅស្រុកព្រៃនប់ ខេត្តព្រះសីហនុ បានរងការខូចខាត ក្នុងនោះមានខ្លះរបើកដំបូល ខ្លះបាក់រលំ ខណៈដែលមានពលរដ្ឋម្នាក់រងរបួស បន្ទាប់ពីមានខ្យល់បោកបក់ខ្លាំង នៅរដូវរំហើយនេះ។

ខ្យល់ព្យុះរដូវរំហើយ ត្រូវបានគេរាយការណ៍ថា បានបោកបក់ពីជើងភ្នំកំចាយ ចាប់តាំងពីយប់រំលងអាធ្រាត្រឈានចូលថ្ងៃទី១៨ ខែធ្នូ ឆ្នាំ២០២២ ទើបបណ្តាលឱ្យផ្ទះប្រជាពលរដ្ឋរងការខូចខាតបែបនេះ។

សូមបញ្ជាក់ថា បើតាមរយៈសារសំឡេង លោក គួច ចំរើន អភិបាលខេត្តព្រះសីហនុ ដែលបានផ្សព្វផ្សាយកាលពីថ្ងៃទី១៦ ខែធ្នូ ឆ្នាំ២០២២ កន្លងមក បានអំពាវនាវឲ្យមានការប្រុងប្រយ័ត្នចំពោះការធ្វើដំណើរទាំងផ្លូវគោក និងតាមផ្លូវទឹក ចាប់ពីថ្ងៃទី១៧ ដល់ថ្ងៃទី១៩ ខែធ្នូ ឆ្នាំ២០២២ គ្រាដែលការព្យាករណ៍អាកាសធាតុ បានឲ្យដឹងថា នឹងមានខ្យល់រលកខ្លាំង ដែលអាចបង្កហានិភ័យសម្រាប់ការធ្វើដំណើរ ក៏ដូចជានៅតាមបណ្តាស្រុកភូមិ-ល-។

លោក គួច ចំរើន បានណែនាំដល់បណ្ដាសមត្ថកិច្ច និងអង្គភាពពាក់ព័ន្ធទាំងអស់ ត្រូវម្ចាស់ការផ្សព្វផ្សាយដល់ប្រជាពលរដ្ឋ ភ្ញៀវទេសចរ និងប្រជានេសាទ ប្រជាពលទាំងអស់ ដែលត្រូវធ្វើដំណើរតាមផ្លូវគោក នឹងផ្លូវទឹក ត្រូវយកចិត្តទុកដាក់ និងបង្កើននូវការប្រុងប្រយ័ត្នឲ្យបានខ្ពស់បំផុត ដោយត្រូវតាមដានស្ថានភាពជាក់ស្ដែង៕

You might like

About the Author: admin

Leave a Reply

Your email address will not be published. Required fields are marked *